وزیرِ اعلیٰ پنجاب نے تعمیراتی منصوبوں پر نظرثانی

لاہور: وزیرِ اعلیٰ پنجاب سردار عثمان بزدار نے صوبائی وزراء سے ملاقات کی جہاں صوبے میں جاری ترقیاتی منصوبوں، صفائی کی صورتحال اور عوام الناس کی آسانی کے لیے اٹھائے گئے اقدامات پر نظرثانی کی گئی۔

ملاقات میں ڈاکٹر یاسمین راشد، میاں محمود الرشید، اختر ملک، سردار آصف نکئی، سید حسین جہانیاں گردیزی اور ہاشم جوان بخت نے شرکت کی۔

وزیرِ اعلیٰ نے متعلقہ وزراء اور ماتحت افسران کو ہدایت جاری کی کہ عوام کی آسانی کے اقدامات میں کوئی کسر نہ چھوڑی جائے۔

اُنہوں نے کہا کہ تمام منصوبوں کی جلد تکمیل کو یقینی بنایا جائے اور رمضان بازاروں میں کورونا ایس او پیز کی پاسداری کی جائے۔