لاہور کا ماسٹر پلان ایک سال میں مکمل کیا جائے گا

لاہور: لاہور ڈیویلپمنٹ اتھارٹی (ایل ڈی اے) کے چیئرمین ایس ایم عمران کا کہنا ہے کہ لاہور کے نئے ماسٹر پلان میں بڑھتی ہوئی مانگ کے پیشِ نظر مزید انڈسٹریل علاقوں کے لیے جگہ مختص کی جائے گی۔

وہ لاہور چیمبر آف کامرس اینڈ انڈسٹری سے خطاب کررہے تھے جہاں اُن کا کہنا تھا کہ حکومت کاروباری طبقے کو تمام تر سہولیات دینے کے لئے کوشاں ہے۔

اُن کا کہنا تھا کہ راوی ریورفرنٹ پراجیکٹ کے علاقے میں جتنے بھی انڈسٹریل یونٹس آئیں گے اُن پر تمام اسٹیک ہولڈرز سے مشاورت کی جائے گی۔

صدر ایل سی سی آئی میاں طارق مصباح کا کہنا تھا کہ راوی ریورفرنٹ پراجیکٹ سے ہاؤسنگ، کنسٹرکشن اور الائیڈ انڈسٹریز میں کام کی تیزی آئے گی اور روزگار کے مواقع پیدا ہوں گے۔