سی ڈی اے کا مئی میں 11 ترقیاتی منصوبے شروع کرنے کا اعلان

اسلام آباد: کیپیٹل ڈیویلپمنٹ اتھارٹی (سی ڈی اے) نے شہر میں رہائشی سیکٹرز اور تفریحی مقامات کی خوبصورتی کے لیے 11 منصوبے شروع کرنے کا اعلان کردیا ہے۔

منصوبوں کے ٹینڈرز مئی میں کھولے جائیں گے جس کے بعد منتخب کنٹریکٹران کو کام کی تکمیل کے لیے ایک ٹائم فریم دیا جائے گا۔

منصوبوں میں ڈی 12 میں پارکس کی تعمیر، سرینگر ہائی وے کی تزئین، ایف 10 اور جی 11 کے مابین جاگنگ ٹریک کا قیام، آئی 16 اور آئی 14 میں پارکس کی تعمیر، کورنگ روڈ پر جاگنگ ٹریک کی تعمیر اور راول لیک ویو پارک کی تزئین کے منصوبے شامل ہیں۔

سی ڈی اے بورڈ نے ان منصوبوں کی سمریاں منظور کرلی ہیں اور ان کے فنڈز ٹینڈر پراسیس مکمل کرنے کے بعد ریلیز کیے جائیں گے۔

مزید خبروں اور اپڈیٹس کے لیے وزٹ کیجئے گرانہ بلاگ۔