اسٹیٹ بینک کی آر ای آئی ٹیز میں بینکوں کو سرمایہ کاری میں سہولت دینے کے لیے قوانین میں اصلاحات

کراچی: ملک بھر میں تعمیراتی سرگرمیوں کے فروغ کے لیے حکومتی اقدامات کے تحت اسٹیٹ بینک نے اس شعبے میں ڈی ایف آئیز اور بینکوں کی فنانسنگ کے ذریعے شرکت بڑھانے کے لیے قوانین میں ترمیم کردی ہے۔

تبدیلی پروڈنشل ریگولیشنز کی بعض دفعات میں کی گئی ہے جس کا مقصد یہ ہے کہ ریئل اسٹیٹ انویسٹمنٹ ٹرسٹس (آر ای آئی ٹیز) میں بینکوں کی اور ڈی ایف آئیز کی سرمایہ کاری اور شرکت کو بڑھایا جا سکے۔

ضوابط میں تبدیلی سے بینک آر ای آئی ٹیز میں اپنی موجودہ ایکویٹی یعنی 10 فیصد کی حد کے بجائے 15 فیصد تک کی سرمایہ کاری کر سکیں گے۔

اس طرح نہ صرف ڈی ایف آئیز اور بینک اپنی سرمایہ کاری کو متنوع بنا سکیں گے بلکہ آر ای آئی ٹیز میں بھی زیادہ سرمایہ آئے گا۔

Leave a Comment

Your email address will not be published. Required fields are marked *